Birat Post बिहिबार, माघ २९, २०७७ मा प्रकाशित
विराटनगर २९ माघ ।
साहित्यकार बाबुराम श्रेष्ठ ‘वर्षा’द्वारा लिखित धार्मिक र सांस्कृतिक यात्रा कृतिको बिहीबार विमोचन गरिएको छ ।
चेतना संरक्षण प्रतिष्ठान र नेपाल पूर्वप्रहरी संगठन प्रदेश–१ को आयोजनामा भएको कार्यक्रममा वरिष्ठ साहित्यकार प्रा.डा. गोविन्दराज भट्टराईले कृतिको विमोचन गरे । वरिष्ठ समालोचक दधिराज सुवेदीले विमोचित कृतिको टिप्पणी गरेका थिए । कृतिले पाठकलाई धेरै ठाउँको धार्मिक र सांस्कृतिक क्षेत्रको बारेमा जानकारी दिने समालोचक सुवेदीले बताए । उनले विभिन्न धार्मिक र सांस्कृतिक स्थलको भ्रमणका क्रममा साहित्यकार श्रेष्ठले देखे–भोगेका विषयहरुलाई कृतिमा समेटेको जानकारी दिए ।
सोही समारोहमा वरिष्ठ समाजसेवी तोरेन्द्रमानसिंह प्रधान र शम्भुबहादुर पोखरेललाई जंगवीर गुभाजु प्रतिष्ठान झापाका तर्फबाट सम्मान गरिएको थियो । प्रधान र पोखरेललाई कार्यक्रमका प्रमुख अतिथिसमेत रहेका डा.गोविन्दराज भट्टराई, विशिष्ट अतिथि साहित्यकार प्रेमप्रकाश फलारीलगायतले दोसल्ला ओढाएर सम्मानपत्र प्रदान गरेका थिए ।
कार्यक्रममा चेतना संरक्षण प्रतिष्ठानकी अध्यक्ष प्राज्ञ गंगा सुवेदी, युवाकवि एवं पत्रकार मीनकुमार नवोदित, साहित्यकार इन्द्रप्रसाद ओली, लेखक बाबुराम श्रेष्ठ ‘वर्षा’लगायतले मन्तव्य व्यक्त गरेका थिए ।
शिक्षकहरुमाथी रिसिबी साँध्दै सरकार,आन्दोलनमा सहभागी १५८ शिक्षकको सरूवा
संक्रमणकालीन न्यायसम्बन्धी समानन्तर नागरिक आयोग बनाउने चेतावनी
आज देशका यी स्थानमा चट्याङ्गसहित मध्यम वर्षाको सम्भावना
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
