featured photo: Birat Post

विराटनगर,६ फाल्गुन ।
संघीय संस्कृति, पर्यटन तथा नागरिक उड्यन मन्त्री भानुभक्त ढकालले राजवंशी समुदाय (विराट)लाई १२८ औ जातजातिमा सूचिकृत गर्ने आश्वासन दिएका छन् । राजवंशी समाज उत्थान समिति(विराट)केन्दीय कार्यालयद्वारा बिहिवबार आयोजित १४ औं भेलामा बोल्दै मन्त्री ढकालले यस्तो आश्वासन दिएका हुन् । उनले अहिलेसम्म १२५ जातजातिहरु सूचिकृत भएको र अन्य दुई सहित यो समुदायलाई पनि सूचितकृत गर्न चाँडै संघीय मामिला तथा प्रशासन मन्त्रालयमार्फत मन्त्रीपरिषद वैठकमा प्रस्ताव लग्ने बताए ।समिति (विराट) का केन्द्रीय अध्यक्ष भुवनेश्वर मण्डलले राजवंंशीको अलग्गै, भाषा , पहिचान एवं संस्कृति भएपनि विगत १३ वर्षदेखि राज्यले सूचितकृतका लागि सम्वोधन नगरेकोमा गुनासो व्यक्त गरे ।

नेकपाका केन्द्रीय सदस्य सत्यनारायण चौधरी,थारु कल्याणकारी सभाका मोरङ अध्यक्ष प्रदीप भगत, राजवंशी संस्कृतिका अध्यक्ष कुशेश्वर राजवंशी,गुप्त नारायण मण्डल, राप्रपा मोरङ अध्यक्ष माधव आचार्य,राजकुमार राजवंशी, कला राजवंशी र प्रदीपकुमार विश्वासले समुदायका सम्पूर्ण सदस्यहरुले आगामी विसं २०७८ हुने राष्ट्रिय जनगणनामा राजवंशी(विराट) उल्लेख गर्नुपर्नेमा जोड दिए । मोरङ,झापा र सुनसरीमा अधिकाँश राजवंशी(विराट)हरुको वासोबास रहेको र उनीहरुको जनसङ्ख्या एक लाख भन्दा वढी रहेको बताइएको छ ।

सम्बन्धित

देशका यी स्थानमा भारी वर्षाको सम्भावना

पूर्वाञ्चल विश्वविद्यालयमा अनुसन्धानात्मक लेख लेखन तथा प्रकाशन सम्बन्धी तालिम

स्मृति स्कुलले मनायो धान दिवस (फोटोहरू)

मेयर र उपमेयरबीचको विवाद : धरान उपमहानगरपालिका तनावग्रस्त