Birat Post आइतबार, फाल्गुण १६, २०७७ मा प्रकाशित
विराटनगर १६ फाल्गुन /
युवाकवि दीपक शम्चुको कवितासङ्ग्रह ‘अनुहारमा आप्पा’को विमोचन गरिएको छ । कृष्णभूषण बल स्मृति प्रतिष्ठानले प्रकाशन गरेको सो कृतिको वरिष्ठ साहित्यकार डा. तुलसीप्रसाद भट्टराई, प्रा.डा. टंकप्रसाद न्यौपाने, वरिष्ठ आख्यानकार भागिरथी श्रेष्ठ, गीतकारसमेत रहेका प्रदेश–१ प्रहरी तालिम केन्द्रका प्रमुख एसएसपी टेक तामाङलगायतले कवितासङ्ग्रहको संयुक्त रुपमा विमोचन गरेका थिए ।
‘अनुहारमा आप्पा’ शम्चूको पहिलो कवितासङ्ग्रह हो । उनका विभिन्न पत्रपत्रिकामा फुटकर सिर्जना प्रकाशित हुँदै आएका छन् ।
विमोचित कृतिको समालोतक भूषण ढुंगेलले टिप्पणी गरे । उनले कवितासङ्ग्रहमा विभिन्न स्वादका कविताहरू समावेश गरिएको बताए । आर्थिक, सामाजिक, सांस्कृतिकलगायतका विषयलाई कविले सूक्ष्म रुपमा उठाएको उनको भनाइ थियो । कवि एवं पत्रकार मीनकुमार नवोदितले सञ्चालन गरेको सो कार्यक्रममा कवि शुभलक्ष्मी लम्साल र धीरज राईले विमोचित कृतिभित्रका कविता सुनाए । संग्रहमा ३३ वटा कविता समावेश छन् ।
विद्यालय तहमा विज्ञान बिषय प्रवर्धनको आवश्यकता
भगवती मन्दिरमा खुर्सानी हवन गरियो
दुई समुदायबीचको झडपले विराटनगर तनावग्रस्त
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
