featured photo: Birat Post

विराटनगर २५ फाल्गुन । मोरङको सुन्दरहरैंचा नगरपालिकाबाट लागु औषधसहित पाँचजना पक्राउ परेका छन्। विराटनगरस्थित १ नम्बर प्रदेश प्रहरी कार्यालयका अनुसार नगरपालिका १० बाट सोमबार राती करिब ८ बजे लागु औषधसहित पाँचजना पक्राउ परेका हुन्।
पक्राउ पर्नेमा ३४ वर्षीय केशव तामाङ, २० वर्षीय राजेश मंग्रान्ती र एलिश खड्का, १९ वर्षीय सरन मगर र १८ वर्षीय सञ्जीव मगर रहेका छन्।

प्रहरी कार्यालयका प्रवक्ता एवं प्रहरी नायब उपरीक्षक विपिन रेग्मीले केशव तामाङको कोठाबाट डाईजोल्याप १० थान, लुपिजेसिक ७ थान, एभिल १३ थान, गाँजा २ सय ग्राम बरामद भएको जानकारी दिए। प्रहरीले तामाङको घरबाट लागुऔषध बिक्री वितरण गर्दै आएको गोप्य सूचनाका आधारमा अन्य चारजनालाई समेत पक्राउ गरेको जनाएको छ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित

भोजपुर हत्याकाण्ड : मृतक सबैको शव परीक्षणका लागि सदरमुकाम लगियो

कोशी प्रदेशको मनसुन तथा प्रतिकार्य योजनाका विषयमा रेडक्रसद्धारा छलफल