featured photo: Birat Post

सुनसरी,११ जेष्ठ ।

इटहरीमा निजि क्षेत्रको अगुवाइमा अक्सिजन सहितको ८० शैयाको आइसोलेसन मंगलबारबाट संचालनमा आएको छ । इटहरी १० स्थित पिपुल्स मल्टिपल हेल्थ इन्सिच्युटको भवनमा उद्योग वाणिज्य संघ इटहरीको अगुवाईंमा अक्सिजनसहितको आइसोलेसन सेवा सञ्चालनमा आएको हो । इटहरी उपमहानगरपालिकाका नगर प्रमुख द्धवारिकलाल चौधरीले निजि क्षेत्रको अगुवाइमा बनेको आइसोलेशनले संक्रमितको सेवामा प्रभावकारी काम गर्ने आशा ब्यक्त गरेका छन् ।

आइसोलेशन निर्माणमा नेपाल प्रेस युनियन सुनसरी,युवाउद्यमी मञ्च इटहरी,श्रीकृष्ण प्रणामी मन्दिर र मारवाडी सेवा समिति इहरी समेत सहभागी भएका छन् ।निजि क्षेत्रको पहलमा सञ्चालनभएको सुबिधा सम्पन्नआइसोलेशनले इटहरी नगरबासीलाइ ठूलो राहतमिल्ने अपेक्षा गरिएको छ । तीनतल्ले भवनमा सञ्चालित सुबिधा सम्पन्नआइसोलेशनमा प्राविधिक रुपमा डाक्टर र नर्ससहितको सुविधारहेको छ ।पछिल्लो समय सुनसरीसहित आसपासका क्षेत्रमा कोरोना भाइरस संक्रमण तिब्र भएपछि आइसोलेशन तयार गरिएको मारवाडी सेवा समिति इहरीका अध्यक्ष मुकेश अग्रवालले बताए ।

एम्बुलेन्स सेवाका साथै नोबेल अस्पताल संगको सहकार्यमा ७ सय ५० रुपैयामा पिसिआर जांचगर्ने सुबिधापनि दिएको प्रेस युनियन सुनसरीका अध्यक्ष पवन अधिकारीले जानकारी दिए । यस्तै इटहरी उपमहानगरपालिकाले पनि इटहरी रंगशालामा ५० शैयाको आइसोलेसन तयार गरेको छ । यी दुवै आइसोलेशन सेवा प्रभावकारीरुपमा सञ्चालन भए इटहरीबासीलाई अझ सहज हुने देखिएको छ ।

सम्बन्धित

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित

भोजपुर हत्याकाण्ड : मृतक सबैको शव परीक्षणका लागि सदरमुकाम लगियो

कोशी प्रदेशको मनसुन तथा प्रतिकार्य योजनाका विषयमा रेडक्रसद्धारा छलफल

देशका यी स्थानमा भारी वर्षाको सम्भावना