featured photo: Birat Post

विराटनगर, १ असार ।
विराटनगरमा रहेर सामाजिक क्षेत्रमा क्रियाशिल संस्था ‘हामी युवा’ लकडाउनले समस्यामा परेकाहरुको सेवामा जुटेको छ । संस्थाले विराटनगर–१९ का विपन्न परिवारलाई राहत बितरण गरेको छ भने निलहिरा समाजमा आवद्धहरुलाई समेत खाद्यान्न सामाग्री प्रदान गरेको छ । नेपाली समाज जर्मनको सहयोगमा ‘हामी युवा’ ले विराटनगर १९ खापटोलका १ सय १० विपन्न परिवारलाई मंगलबार राहत सामाग्री बितरण गरेको छ ।

कार्यक्रममा विराटनगर महानगरपालिकाका मेयर भीम पराजुली, विराटनगर–१९का वडा अध्यक्ष बद्रीनारायण सरदार र हामी युवा संस्थाका संस्थापक अध्यक्ष सविन दाहाल लगायतले विपन्न परिवारका सदस्यहरूलाई राहत सामाग्री हस्तान्तरण गरेका थिए । प्रत्येक परिवारलाई २५ किलो चामल, दाल, खाने तेल, पिठो, चिनी, चना, मटर, नुन, सावुन, मसला लगायतका खाद्यान्न सामाग्री बितरण गरिएको हामी युवाकी अध्यक्ष जीना कार्कीले जानकारी दिइन् । विभिन्न समाजिक तथा युवाहरुको क्षेत्रमा सक्रिय कार्यगरिरहेको यस संस्था प्रदेश नं १ मा नै भिन्न पहिचान वनाउन सफल छ ।