featured photo: Birat Post

विराटनगर,२२ भदौं ।
निजामति कर्मचारीहरुले १३ औं निजामति सेवा दिवस मनाएका छन् । ‘सेवामैत्री प्रशासन, सङ्घीयतामा सुशासन’ भन्ने मूलनाराका साथ दिवस मनाएको हो । दिवसको अवसरमा विराटनगर महानगरका कर्मचारीहरुले देवकोटा चोकमा बृक्षारोपण कार्यक्रम गरेका छन् । कार्यक्रममा विराटनगर महानगरका मेयर भीम पराजुलीले शुभकामना दिदै कर्मचारीहरुवाटै सुसाशनको परिकल्पना सम्भव भएको बताए । राम्रो र कर्तव्यनिष्ठ कर्मचारी कार्यालयको गहना भएको धारणा व्यक्त गरे ।

यस्तै मोरङका प्रमुख जिल्ला अधिकारी कोशहरि निरौलाले कर्मचारीहरुले आफ्नो कर्तव्य भुल्न नहुने बताए । विराटनगर महानगरका प्रमुख प्रशासकीय अधिकृत उमेश बस्नेतले कर्मचारीहरुले यस्ता दिवस स्थापना र यसको महत्व बुझेर काम गर्नु पर्ने बताए । नेपालमा निजामति सेवा गठन भएको ६० वर्ष पूरा भए पनि २०६२ साल भदौ २२ गतेबाट मात्र औपचारिक रूपमा यो दिवस मनाउन थालिएको हो ।

विक्रम सम्वत् २०१३ साल भदौ २२ गते तत्कालीन प्रधानमन्त्री टंकप्रसाद आचार्यले निजामती सेवा ऐन ल्याएको दिन पारेर हरेक वर्ष निजामति दिवस मनाउन थालिएको हो । अहिले नेपालमा करिब ८३ हजार निजामती कर्मचारी कार्यरत छन् । कार्यक्रममा विराटनगर महानगर वडा न.७ का वडाध्यक्ष मधुवावु तिवारी, वडा न. ८ का वडाध्यक्ष निश्चल अर्याल , स्वास्थ्य महासाखा संयोजक रमेश कार्की,सामुदायीक साखा प्रमुख पुनम दाहाल ,वातावरण साखा प्रमुख अनिता न्यौपाने लगायतको सहभागिता रहेको थियो ।