featured photo: Birat Post

विराटनगर,२९ असार ।

२०९ औ भानु जयन्तीको अवसरमा विराटनगर– ५ स्थित एभरेष्ट सेकेण्डरी स्कुलमा कविता प्रतियोगिता सम्पन्न भएको छ । विद्यालयका ४० विद्यार्थीले सहभागिता जनाएको प्रतियोगितामा गुरु दक्षिणा शिर्षकको कविता वाचन गर्दै उजागर नेपाल प्रथम भएका छन् ।

यस्तै विचार शिर्षकको कविता वाचन गर्ने पुष्पराज तिम्सिना द्धित्तिय र ओजस्वी कर्ण तृतिय भएका छन् । प्रतियोगिताका विजयीहरुले क्रमशः ५ हजार, ३ हजार र २ हजार नगदसहित प्रमाणपत्र प्राप्त गरेका छन् ।

विजयीहरुलाई कार्यक्रमका प्रमुख अतिथि कवि मीनकुमार श्रेष्ठ र विद्यालयका प्रिन्सिपल टिकाराम पुरीले प्रमाणपत्र र नगद हस्तान्तरण गरेका थिए । विद्यार्थीहरुबिच गरिएको प्रतियोगितामा विभिन्न शिर्षकका कविता वाचन भएको थियो । ति मध्ये उत्कृष्ट तीन छनौट गर्न माधव खतिवडा र खम्बसिंह नेपालले निर्णायकको भूमिका निर्वाह गरेका थिए ।

सम्बन्धित

कवि ढकालको दोस्रो कृति समयका तरङ्ग विमोचन

यस वर्षको कक्षा १२ को नतिजा सार्वजनिक

पूर्वाञ्चल विश्वविद्यालयमा अनुसन्धानात्मक लेख लेखन तथा प्रकाशन सम्बन्धी तालिम

स्मृति स्कुलले मनायो धान दिवस (फोटोहरू)