Birat Post मंगलबार, आषाढ २३, २०७७ मा प्रकाशित
विराटनगर २३ असार ।
प्रदेश १ का पाँच जिल्ला कोरोना भाइरस मुक्त भएका छन् । सोलुखुम्बु, ओखलढुंगा, तेह्रथुम, भोजपुर र धनकुटा जिल्ला कोरोना भाइरस मुक्त भएको हो । प्रदेशको १४ वटा जिल्लामा फैलिएको संक्रमण मंगलबारसम्ममा उक्त जिल्लाहरु कोरोनामुक्त भइसकेका छन् ।
मुख्यमन्त्री तथा मन्त्रीपरिषद कार्यालयका सचिव भरतमणी रिजालले पाँच जिल्लाका संक्रमितहरुले कोरोना भाइरसबाट मुक्त भई घर फर्किसकेको र अहिले कोही पनि संक्रमित नभएको बताए । सोलुखुम्बु र ओखलढुंगामा एक,एक जना, तेह्रथुममा तीन, भोजपुरमा ६ र धनकुटाका स्वास्थ्यकर्मीसहित आठ जना संक्रमित भएका थिए ।
प्रदेशमा संक्रमित भएका ६ सय ५ जनामध्ये मंगलबारसम्ममा चार सय ७९ जना कोरोना भाइरस मुक्त भई घर फर्केका छन् भने दुई सय ६ जना चिकित्सकको निगरानीमा रहेका छन् । अहिले झापामा ८, मोरङमा ४४, उदयपुरमा २७, सुनसरीमा २६, इलाममा ९, खोटाङमा ७ , संखुवासभामा ३, पाँचथर र ताप्लेजुङका एक,एक जना संक्रमित चिकित्सकको निगरानीमा रहेका छन् ।
प्रदेशमा हालसम्ममा २९ हजार तीन सय १४ जनाको पीसीआर र १८ हजार तीन सय एक जनामा आरडीटी परीक्षण गरिएको छ । प्रदेशस्थित जिल्लाहरुमा स्थापना गरिएको क्वारेन्टिनमा २ हजार चार सय ४७, होल्डिङ एरियामा ४ सय ३० र होम क्वारेन्टाइनमा ३ हजार ६ सय ३३ जना रहेको मुख्यमन्त्री तथा मन्त्रीपरिषद्को कार्यालयले जनाएको छ ।
क्यानको सचिवमा पारस खड्का निर्वाचित
शिक्षकसँगको सहमति कार्यान्वयन गर्नेकुरा मेरो हातमा छैन: शिक्षामन्त्री राई
विराटनगरमा सांकेतिक भाषा दिवस तथा अन्तराष्ट्रिय बहिरा सप्ताह मनाइदै
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
