featured photo: Birat Post

विराटनगर १६ भदौ ।
प्रदेश १ मा आज ८७ जना कोरोना संक्रमित थपिएका छन् । प्रयोगशालाहरुमा १ हजार १ सय ७५ जनाको नमुना परीक्षण गर्दा २१ महिला र ६६ पुरुषमा संक्रमण पुष्टि भएको हो ।

जसमध्ये १५ जना मोरङका संक्रमित रहेका छन् । मोरङको विराटनगरका ७ पुरुष, ३ महिला, बेलबारीका १ पुरुष, २ महिला र रतुवामाईका २ पुरुषमा संक्रमण पुष्टि भएको छ ।

यस्तै सुनसरीको इनरुवाका २२ पुरुष, ४ महिला,इटहरीका १८ पुरुष, ३ महिला, दुहवीका ४ पुरुष, ३ महिला र धरानका १ पुरुष, १ महिला गरी ५६ जना, झापा दमकका ५ पुरुष, ३ महिला, बाह्रदशी गाउँपालिकाका ३ पुरुष, १ महिला, कमल र गौरीगञ्ज गाउँपालिकाका १ १ पुरुष गरी १४ जना, पाँचथरका १ पुरुष र धनकुटाकी १ महिलाको रिपोर्ट पोजेटिभ आएको छ । यससँगै प्रदेश एकमा कोरोना संक्रमितको संख्या ३ हजार ४ सय ५४ पुगेको सामाजिक विकास मन्त्रालयले जनाएको छ ।

यस्तै प्रदेश एकमा आज १४ जना संक्रमित उपचारपछि निको भएर घर फर्किएका छन् । यससँगै हालसम्म डिस्चार्ज हुनेको संख्या १ हजार ६ सय ३ पुगेको छ ।

प्रदेश १ मा हालसम्म ८ महिला र २५ पुरुष गरी ३३ जनाको मृत्यु भइसकेको छ ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित

भोजपुर हत्याकाण्ड : मृतक सबैको शव परीक्षणका लागि सदरमुकाम लगियो

कोशी प्रदेशको मनसुन तथा प्रतिकार्य योजनाका विषयमा रेडक्रसद्धारा छलफल