Birat Post शनिबार, भाद्र २०, २०७७ मा प्रकाशित
विराटनगर २० भदौ ।
प्रदेश १ मा आज ५४ जना कोरोना संक्रमित थपिएका छन् । प्रयोगशालाहरुमा १ हजार ७ सय ६१ जनाको नमुना परीक्षण गर्दा २३ महिला र ३१ पुरुषमा संक्रमण पुष्टि भएको हो ।
जसमध्ये ३४जना मोरङका संक्रमित रहेका छन् । मोरङको विराटनगरका १४ पुरुष, १४ महिला, जहदाकी १ महिला, पथरीशनिश्चरेका २ पुरुष, लेटाङ, रगेंली र कटहरीका १–१ पुरुषमा संक्रमण पुष्टि भएको छ ।
यस्तै सुनसरी धरानका १ पुरुष ४ महिला, इटहरीका ६ पुरुष २ महिला गरी १३ जना, झापा दमकका २ पुरुष , १ महिला, विर्तामोड र ठेगाना नखुलेका १–१ पुरुष गरी ५ जना, इलामका १ पुरुष र सिराहाकी १ महिलाको रिपोर्ट पोजेटिभ आएको छ । यससँगै प्रदेश एकमा कोरोना संक्रमितको संख्या ३ हजार ८ सय ७९ पुगेको सामाजिक विकास मन्त्रालयले जनाएको छ ।
यस्तै प्रदेश एकमा आज १६ जना संक्रमित उपचारपछि निको भएर घर फर्किएका छन् । यससँगै हालसम्म डिस्चार्ज हुनेको संख्या १ हजार ८ सय ३५ पुगेको छ । प्रदेश १ मा सक्रिय संक्रमितको संख्या २ हजार ५ रहेको छ ।
प्रदेश १ मा हालसम्म १० महिला र २९ पुरुष गरी ३९ जनाको मृत्यु भइसकेको छ ।
सामाजिक सञ्जाल बन्द गर्ने सरकारको निर्णयविरुद्ध सर्वोच्चमा रिट
झुम्का कारागारमा सयभन्दा बढी कैदी बिरामी,पछिल्लो १२ दिनदेखि देखियो स्वास्थ्य समस्या
दर्ता नभएका २६ सामाजिक सञ्जाल निष्क्रिय पार्न इन्टरनेट सेवा प्रदायकलाई प्राधिकरणको पत्र
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
