featured photo: Birat Post

विराटनगर २२ भदौ ।
प्रदेश १ मा आज १५५ जना कोरोना संक्रमित थपिएका छन् । प्रयोगशालाहरुमा १ हजार ८ सय ६० जनाको नमुना परीक्षण गर्दा ५८ महिला र ९७ पुरुषमा संक्रमण पुष्टि भएको हो ।

जसमध्ये ६७ जना मोरङका संक्रमित रहेका छन् । मोरङको विराटनगरका ३१ पुरुष, २० महिला,रतुवामाई र बेलवारीमा ५–५ पुरुष, जहदाका २ पुरुष १ महिला र धनपालथानकाअ ३ पुरुषमा संक्रमण पुष्टि भएको छ ।

यस्तै सुनसरी इटहरीका १० पुरुष, ५ महिला, इनरुवाका १८ पुरुष, २४ महिला, गढिका १ पुरुष, १ महिला, धरानका ४ पुरुष, दुहवीका २ पुरुष र रामधुनीका १ पुरुष गरी ६६ जना, झापा कनकाईका ६ पुरुष, ७ महिला, विर्तामोड र बाह्रदशीका १–१ पुरुष गरी १५ जना, पाँचथरका ६ पुरुष र उदयपुरका १ पुरुषको रिपोर्ट पोजेटिभ आएको छ । यससँगै प्रदेश एकमा कोरोना संक्रमितको संख्या ४ हजार १ सय ७७ पुगेको सामाजिक विकास मन्त्रालयले जनाएको छ ।

यस्तै प्रदेश एकमा आज ५२ जना संक्रमित उपचारपछि निको भएर घर फर्किएका छन् । यससँगै हालसम्म डिस्चार्ज हुनेको संख्या १ हजार ८ सय ९६ पुगेको छ । प्रदेश १ मा सक्रिय संक्रमितको संख्या २ हजार २ सय ३८ रहेको छ ।

प्रदेश १ मा हालसम्म ११ महिला र ३२ पुरुष गरी ४३ जनाको मृत्यु भइसकेको छ ।

सम्बन्धित

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित

भोजपुर हत्याकाण्ड : मृतक सबैको शव परीक्षणका लागि सदरमुकाम लगियो

कोशी प्रदेशको मनसुन तथा प्रतिकार्य योजनाका विषयमा रेडक्रसद्धारा छलफल

देशका यी स्थानमा भारी वर्षाको सम्भावना