featured photo: Birat Post

विराटनगर ३१ भदौ ।
प्रदेश १ मा आज १३३ जना कोरोना संक्रमित थपिएका छन् । प्रयोगशालाहरुमा १ हजार २ सय ७३ जनाको नमुना परीक्षण गर्दा ३६ महिला र ९७ पुरुषमा संक्रमण पुष्टि भएको हो ।

जसमध्ये ३४ जना मोरङका संक्रमित रहेका छन् । मोरङको विराटनगरका १९ पुरुष, ९ महिला, बेलबारीका १ पुरुष, १ महिला, धनपालथानका २ पुरुष, सुनबर्षीका १ पुरुष र कटहरीकी १ महिलामा संक्रमण पुष्टि भएको छ ।

यस्तै सुनसरी धरानका २२ पुरुष, १० महिला, इटहरीका १९ पुरुष,७ महिला,कोशी र गढी गापाका ४–४ पुरुष , भोक्राहाका २ पुरुष र बराहक्षेत्रकी १ महिला गरी ६९ जना, झापा दमकका ७ पुरुष, १ महिला, भद्रपुरका ४ पुरुष, २ महिला,बाह्रदशीका ३ पुरुष, २ महिला र मेचिनगरका १ पुरुष गरी २० जना, उदयपुर र धनकुटाका १–१ महिला, भोजपुरका ५ पुरुष, अन्य सप्तरी, राजविराज र धनुषाका १–१ पुरुषको रिपोर्ट पोजेटिभ आएको छ । यससँगै प्रदेश एकमा कोरोना संक्रमितको संख्या ५ हजार १०० पुगेको सामाजिक विकास मन्त्रालयले जनाएको छ ।

आज ५२ जना उपचारपछि निको भएर घर फर्किएका छन् । यससँगै हालसम्म डिस्चार्ज हुनेको संख्या २ हजार १९४ पुगेको छ भने प्रदेशमा सक्रिय संक्रमितको संख्या २ हजार ८५६ रहेको छ ।

प्रदेश १ मा हालसम्म १३ महिला र ३७ पुरुष गरी ५० जनाको मृत्यु भइसकेको छ ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित

भोजपुर हत्याकाण्ड : मृतक सबैको शव परीक्षणका लागि सदरमुकाम लगियो

कोशी प्रदेशको मनसुन तथा प्रतिकार्य योजनाका विषयमा रेडक्रसद्धारा छलफल