featured photo: Birat Post

विराटनगर १२ असोज ।
प्रदेश १ मा आज ८३ जना कोरोना संक्रमित थपिएका छन् । प्रयोगशालाहरुमा ९ सय २२ जनाको नमुना परीक्षण गर्दा २७ महिला र ५६ पुरुषमा संक्रमण पुष्टि भएको हो ।

जसमध्ये ३० जना मोरङका संक्रमित रहेका छन् । मोरङको विराटनगरका १० पुरुष, ६ महिला, बुढीगंगाका ६ पुरुष, नखुलेको २ पुरुष, १ महिला, बेलबारीका १ पुरुष, १ महिला, उर्लाबारीका १ पुरुष, र सुन्दरहरैँचाका १ महिला, १ पुरुषमा गरी ३० जनामा संक्रमण पुष्टि भएको छ ।

यस्तै सुनसरी धरानका ७ पुरुष, ७ महिला, इटहरीका ९ पुरुष, २ महिला, दुहवीका ५ पुरुष, ३ महिला, नखुलेकोकी २ महिला र हरिनगरका १ पुरुष गरी ३६ जना, ओखलढुङ्गाका ३ पुरुष, १ महिला, खोटाङ र झापाका २–२ पुरुष, धनकुटा र इलामका १–१ महिला, अन्य सिराहाका २ पुरुष, १ महिला, सप्तरीका १ पुरुष, २ महिला र महोत्तरीका १ पुरुषको रिपोर्ट पोजेटिभ आएको छ । यससँगै प्रदेश एकमा कोरोना संक्रमितको संख्या ६ हजार ५१९ पुगेको सामाजिक विकास मन्त्रालयले जनाएको छ ।

आज ४४ जना डिस्चार्ज भएसँगै हालसम्म डिस्चार्ज हुनेको संख्या २ हजार ८६८ पुगेको छ भने प्रदेशमा सक्रिय संक्रमितको संख्या ३ हजार ५८७ रहेको छ ।

प्रदेश १ मा हालसम्म १९ महिला र ४५ पुरुष गरी ६४ जनाको मृत्यु भइसकेको छ ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित

भोजपुर हत्याकाण्ड : मृतक सबैको शव परीक्षणका लागि सदरमुकाम लगियो

कोशी प्रदेशको मनसुन तथा प्रतिकार्य योजनाका विषयमा रेडक्रसद्धारा छलफल