Birat Post मंगलबार, आश्विन १३, २०७७ मा प्रकाशित
विराटनगर १३ असोज ।
प्रदेश १ मा आज १२२ जना कोरोना संक्रमित थपिएका छन् । मोरङमा ८६, सुनसरीमा १९, झापामा ८, तेह्रथुमका २ जना, इलाम, उदयपुर र भोजपुरका १–१ जना र प्रदेश १ बाहिर ४ जना रहेका छन् । मोरङको विराटनगरमा २९ महिला, ३२ पुरुष, कटहरीमा ५ पुरुष, ग्रामथानमा १ महिला, ३ पुरुष, सुन्दरहरैँचामा २ पुरुष, उर्लाबारीमा १ महिला, सुनवर्षीमा १ पुरुष, स्थानीयतह नखुलेका २ महिला, १० पुरुषमा संक्रमण देखिएको मन्त्रालयले जनाएको छ ।
यस्तै सुनसरीको धरानमा २ महिला, ५ पुरुष, इटहरीमा १ महिला, ४ पुरुष, दुहबीमा १ महिला, ३ पुरुष र स्थानीयतह नखुलेका ३ पुरुष, झापाको दमक र भद्रपुरमा ३–३ पुरुष, अर्जुनधारामा १ पुरुष र स्थानिय तह नखुलेकी १ महिला, तेह्रथुममा २ पुरुष, इलाम, भोजपुर र उदयपुरमा १–१ पुरुष तथा प्रदेश १ बाहिर सप्तरीमा १ पुरुष, २ महिला र मकवानपुरमा १ पुरुषको पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ । यस सँगै प्रदेश १ मा कोरोना संक्रमितको संख्या ६ हजार ६४१ पुगेको छ ।
प्रदेशमा सक्रिय सङ्क्रमितको सङ्ख्या ३ हजार ५३३ रहेको छ । झापा, मोरङ र सुनसरीका १–१ पुरुषको मृत्यु भएसँगै मृत्यु हुनेको सङ्ख्या ६७ पुगेको छ ।
प्रदेश १ बाट आज १६६ जना डिस्चार्ज भएका छन् । होम आइसोलेसनबाट १६० जना, रुम्झाटार आइसोलेसनबाट ३ जना, विराट मेडिकल कलेजबाट २ जना, कोशी अस्पताल कोभिड १९ उपचार केन्द्रबाट १ जना डिस्चार्ज भएका छन् । यस सँगै हालसम्म ३ हजार ४१ जना डिस्चार्ज भएको सामाजिक विकास मन्त्रालयले जनाएको छ ।
प्रदेश १ मा आज ६ सय ६२ जनाको पीसीआर परीक्षण गरिएको छ । परिक्षण गरिएकामध्ये ३९ महिला र ८३ पुरुषको रिपोर्ट पोजेटिभ आएको हो । मन्त्रालयका अनुसार हाल सम्म १ लाख २२ हजार ७७४ जनाको पीसीआर परीक्षण भएको छ ।
शिक्षकहरुमाथी रिसिबी साँध्दै सरकार,आन्दोलनमा सहभागी १५८ शिक्षकको सरूवा
संक्रमणकालीन न्यायसम्बन्धी समानन्तर नागरिक आयोग बनाउने चेतावनी
आज देशका यी स्थानमा चट्याङ्गसहित मध्यम वर्षाको सम्भावना
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
