featured photo: Birat Post

विराटनगर १ कार्तिक ।
प्रदेश एकमा आज ४८१ जना कोरोना संक्रमित थपिएका छन् । मोरङमा १९५, सुनसरीमा १७०, झापामा ७२, संखुवासभामा १५, इलाममा ९, खोटाङमा ४, भोजपुरमा १ र प्रदेश १ बाहिरका १५ जनामा संक्रमण पुष्टि भएको छ ।

सामाजिक विकास मन्त्रालयका अनुसार मोरङको विराटनगरमा ५६ महिला, ६८ पुरुष, सुन्दरहरैचामा ९ महिला, ४ पुरुष, उर्लाबारीमा ५ महिला, ८ पुरुष, बुढीगंगामा ४ महिला, ९ पुरुष, बेलबारीमा ४ महिला, ५ पुरुष, जहदामा १ महिला ८ पुरुष, लेटाङमा ५ महिला, ३ पुरुष, रतुवामाई, धनपालथान र पथरीशनिश्चरेमा १–१ पुरुष र स्थानीय तह नखुलेका ३ पुरुषको रिपोर्ट पोजेटिभ आएको छ ।

यस्तै सुनसरीको धरानमा ५७ महिला, ५२ पुरुष, इनरुवामा ८ महिला, २१ पुरुष, इटहरीमा ४ महिला, ११ पुरुष, रामधुनीमा ३ महिला, ६ पुरुष, देवानगञ्जमा १ पुरुष, १ महिला, दुहवीमा २ महिला, बराहक्षेत्र र गढीमा १–१ पुरुष र स्थानीय तह नखुलेका २ पुरुषमा संक्रमण देखिएको मन्त्रालयले जनाएको छ ।

उता झापाको विर्तामोडमा १६ महिला, ७ पुरुष, दमकमा ४ महिला, ९ पुरुष, भद्रपुरमा २ महिला, ५ पुरुष, कनकाईमा २ महिला ५ पुरुष, मेचीनगरमा ६ पुरुष, कमल गाउँपालिकामा १ महिला, ३ पुरुष, अर्जुनधारामा ३ पुरुष, शिवसताक्षीमा १ पुरुष, १ महिला, गौरादहमा १ पुरुष, हल्दिबारीमा १ महिला र स्थानीय तह नखुलेका १ महिला, ४ पुरुष, संखुवासभामा ४ महिला ११ पुरुष, इलाममा १ महिला, ८ पुरुष खोटाङको खोटेहाङमा २ महिला, १ पुरुष, भोजपुरमा १ पुरुष र प्रदेश १ बाहिरका ५ महिला १ं० पुरुषको रिपोर्ट पोजेटिभ आएको छ ।

यससँगै प्रदेश १ मा कोरोना संक्रमितको संख्या १३ हजार १८३ पुगेको छ । प्रदेशमा सक्रिय सङ्क्रमितको सङ्ख्या ७ हजार ४९३ रहेको छ । झापाका ३, मोरङका १ र सुनसरीका १ पुरुषको मृत्यु भएसँगै ज्यान गुमाउनेको सङ्ख्या १२९ पुगेको छ ।

प्रदेश १ मा आज १ हजार ४५० जनाको पीसीआर परीक्षण गरिएको छ । परीक्षण गरिएका मध्ये १९९ महिला र २८२ पुरुषको रिपोर्ट पोजेटिभ आएको हो । हालसम्म १ लाख ४५ हजार ३८३ जनाको पीसीआर परीक्षण भएको सामाजिक विकास मन्त्रालयले जनाएको छ ।

सम्बन्धित

पूर्वाञ्चल विश्वविद्यालयमा अनुसन्धानात्मक लेख लेखन तथा प्रकाशन सम्बन्धी तालिम

स्मृति स्कुलले मनायो धान दिवस (फोटोहरू)

मेयर र उपमेयरबीचको विवाद : धरान उपमहानगरपालिका तनावग्रस्त

आजदेखि सुनचाँदी पसल खुल्ने