featured photo: Birat Post

विराटनगर ८ कार्तिक ।
प्रदेश १ मा आज ३८९ जना कोरोना संक्रमित थपिएका छन् । मोरङमा २६९, सुनसरीमा ६०, झापामा ४१, इलाममा १०, खोटाङ, तेह्रथुम, सोलुखुम्बु, उदयपुर र संखुवासभामा १–१ जना र प्रदेश १ बाहिरका जिल्लाका ४ जना रहेको सामाजिक विकास मन्त्रालयले जनाएको छ ।

मन्त्रालयका अनुसार मोरङको विराटनगरमा १०७ महिला, ११८ पुरुष, उर्लाबारीमा ५ महिला, २ पुरुष, लेटाङमा ४ महिला, २ पुरुष, जहदामा १ महिला, ५ पुरुष, धनपालथानमा १ महिला, ४ पुरुष, पथरीशनिश्चरेमा ४ पुरुष, बुढीगंगामा १ महिला, २ पुरुष, रतुवामाईमा ३ पुरुष, सुन्दरहरैंचा र बेलबारीमा १–१ महिला, कटहरीमा २ पुरुष, सुनवर्षी र ग्रामथानमा १–१ पुरुष र स्थानीय तह नखुलेका २ पुरुषको रिपोर्ट पोजेटिभ आएको छ ।

यसैगरी सुनसरीको धरानमा २१ महिला, २२ पुरुष, इटहरीमा ४ महिला, ६ पुरुष, इनरुवामा ६ पुरुष, बराहक्षेत्र, रामधुनी, दुहवी र बर्जुमा १–१ पुरुष, झापाको दमकमा २ महिला, ९ पुरुष, विर्तामोडमा २ महिला, ९ पुरुष, गौरादहमा २ महिला, ८ पुरुष, अर्जुनधारमा १ महिला, १ पुरुष, कमल गापा, बाह्रदशी गापा, कनकाई, मेचिनगर, शिवसताक्षी र स्थानिय तह नखुलेका १–१ पुरुषमा संक्रमण देखिएको छ ।

उता इलाममा २ महिला, ८ पुरुष, खोटाङ र तेह्रथुममा १–१ महिला, सोलुखुम्बु, उदयपुर र संखुवासभामा १–१ पुरुष र प्रदेश १ बाहिरका ४ पुरुषमा संक्रमण देखिएको सामाजिक विकास मन्त्रालयले जनाएको छ ।

यससँगै प्रदेश एकमा कोरोना संक्रमितको संख्या ११ हजार ६४ पुगेको छ । प्रदेशमा सक्रिय सङ्क्रमितको सङ्ख्या ९ हजार ३९ रहेको छ । आज मोरङ र सुनसरीका १–१ महिला र उदयपुरका १ पुरुषको मृत्यु भएसँगै ज्यान गुमाउनेको सङ्ख्या १५७ पुगेको छ ।

प्रदेश एकबाट आज ५५० जना डिस्चार्ज भएका छन् । यससँगै डिस्चार्ज हुनेको संख्या ४ हजार १२२ पुगेको छ ।

आज २१ सय ५८ जनाको पीसीआर परीक्षण भएको छ । परीक्षण गरिएकामध्ये १५७ महिला र २३२ पुरुषको रिपोर्ट पोजेटिभ आएको हो । मन्त्रालयका अनुसार हालसम्म १ लाख ५२ हजार ९८५ जनाको पीसीआर परीक्षण गरिएको छ ।

सम्बन्धित

पूर्वाञ्चल विश्वविद्यालयमा अनुसन्धानात्मक लेख लेखन तथा प्रकाशन सम्बन्धी तालिम

स्मृति स्कुलले मनायो धान दिवस (फोटोहरू)

मेयर र उपमेयरबीचको विवाद : धरान उपमहानगरपालिका तनावग्रस्त

आजदेखि सुनचाँदी पसल खुल्ने