Birat Post शुक्रबार, आषाढ ३१, २०७९ मा प्रकाशित
विराटनगर,३१ असार ।
विराटनगरमा एसआई युके नेपालको आधिकारिक कार्यालय खुलेको छ । युकेका विश्वविद्यालय तथा शैक्षिक संस्थाको क्षेत्रका काम गरिरहेको एसआई युकेको कार्यालय शुक्रबार वन ,वातावरण तथा भू संरक्षण मन्त्री शेखर चन्द्र थापाले उद्घाटन गरेका छन् ।
विराटनगरको शनिमन्दिर र जलजला चोकको बीचमा कार्यालय रहेको छ । कार्यालयवाट युकेका विश्वविद्यालय तथा शैक्षिक संस्थाको शैक्षिक शुल्क, पढाइने कोर्स , छात्रवृत्ति तथा अन्य सेवा सुविधाका बारेमा जानकारी दिइने छ । कार्यक्रममा बोल्दै मन्त्री थापाले विश्व परिवेशमा एक देशको विद्यार्थी अर्को देशमा जाने र त्यहाँको शिक्षा लिन चाहने गरेको बताए । युवा विद्यार्थीको यो चाहनालाई अन्यथा मान्न नहुने र शैक्षिक उदेश्य प्राप्तिमा एसआई युके नेपालले काम गरिरहेको पाउदा खुसी लागेको बताए ।
एस आई युकेले शुक्रबारबाटै विराटनगरमा ‘बृहत एजुकेशन फेयर २०२२’ को आयोजना सुरु गरेको छ । अन्तर्राष्ट्रिय शैक्षिक गन्तव्य र विश्वविद्यालयका प्रतिनिधिसँग प्रत्यक्ष सम्पर्कसहित शैक्षिक जानकारी गराउने उद्देश्यले कार्यक्रम आयोजना गरिएको संस्थाका डाइरेक्टर विनय अधिकारीले जानकारी दिए । शैक्षिक मेलामा सहभागी बिद्यार्थी लाई युकेका १५ विश्वविद्यालय तथा कलेजका प्रतिनिधिहरुले प्रत्यक्ष परामर्श दिने छन् ।
एसआई युके ग्लोबलका कार्यालयहरु विश्वका ४० वटा देशमा संचालन छन् । एसआई युके ग्लोवल १ सय ५८ विश्वविद्यालयसँग आवद्ध भएर विगत १६ बर्षदेखि शैक्षीक सेवामा काम गरिरहेको छ । उद्घाटन कार्यक्रममा नेपाली कांग्रेस युवा नेता अरुण न्यौपाने,बरिष्ठ पत्रकार बिनोद भण्डारी,प्रेस युनियन मोरङ कार्यबाहक अध्यक्ष कौशल निरौला लगायतको सहभागिता रहेका थियो ।
प्रयोगबिहीन झोलुङ्गे पुल सारिने
स्वास्थ्यमा महसुस हुने गरी काम हुँदै छ, बीमा ५ लाख पुग्छः स्वास्थ्यमन्त्री
सशस्त्र प्रहरी बल, सीमा सुरक्षा गुल्म रानीद्धारा माटोसहितको गमला र बिरुवा नष्ट
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
