featured photo: Birat Post

विराटनगर,९ माघ ।
उच्च शिक्षालय तथा माध्यमिक विद्यालय संघ, नेपाल मोरङ (हिसान)ले यही माघ १० देखि १६ गतेसम्म खेलकुदका विभिन्न कार्यक्रमको आयोजना गर्ने भएको छ ।
हिसान स्पोर्ट्स मिटको ११ औं संस्करण अन्तरगत विभिन्न खेलहरु हुने हिसान मोरङका अध्यक्ष अमित ढकालले जानकारी दिए । राष्ट्रिय स्तरका खेलाडीकारुपमा तयार गर्न यो खेल कार्यक्रम प्रभावकारी हुने मानिएको छ ।

खेलमा २८ वटा कलेजका एक हजार ७ सय बढी विद्यार्थीहरुले सहभागीता जनाउने भएका छन् । खेल खेलाउन जिम्मेबार व्यक्तिहरु तोकिएको छ । जस अन्तरगत दिपेश बास्तोला फुटबल ,भुवन नेपाल भलिबल ,मनोज गुप्ता क्रिकेट ,भुपेन्द्र दाहाल बास्केटबल,खुसिराज श्रेष्ठ टीटी ,शेखर ढकाल एथलेटिक्सको खेल खेलाउने जिम्मेबारी तोकिएको छ ।

आयोजकको तर्फबाट विजेता तथा उपविजता खेलाडीहरुले ट्रफी, मेडल,प्रमाण पत्र प्राप्त गर्ने छन् भने खेलाडीहरुले उत्कृष्ट खेल प्रदर्शन गरी विजेता भए कलेजहरुले आन्तरिक रुपमा छात्रवृत्ति पाउने छन् । खेलको अनुगमनमा हिसानका केन्द्रीय उपाध्यक्ष भेषराज पोखरेल, प्रदेश १ अध्यक्ष ज्ञानु खड्का लगायतको सहभागिता रहने बताइएको छ ।

सम्बन्धित

नेपालले श्रीलङ्कालाई ८-० गोलले हरायो, कप्तान सावित्राको ह्याट्रिक

लाओसको पोस्टमा नेपालको ९ गोल

पूर्वाञ्चल विश्वविद्यालयमा अनुसन्धानात्मक लेख लेखन तथा प्रकाशन सम्बन्धी तालिम

स्मृति स्कुलले मनायो धान दिवस (फोटोहरू)